Nordlyset er tilbake!
Natt til 14. januar var endeleg nordlyset synleg tilbake til Stord. Eg fekk på kort varsel heve meg i bilen og rigga meg til på det som tidlegare var ein mørk plass ikkje så langt vekke frå huset. Dessverre har det vore utbetring av vegen sidan sist nordlysekspedisjon, no med montering av veglys! Eg måtte difor eit stykke over eit jorde før eg kunne få eit nokolunde mørkt utgangspunkt for nordlysfotograferinga.
Bildene er tatt rundt midnatt, og kanskje litt på hell i forhold til styrken som nok var litt kraftigare tidlegare på kvelden. Er likevel fornøgd med opplevinga!