Rådyr på bakkane

På Bjoa vandrar det både hjort og rådyr. I sommar var det ei geit og to killingar, samt ein bukk, som held seg på bakkane rett ovafor hytta. Eg kunne difor sitje fleire kveldar i skjul bak eit vindu i ei løe med god oversikt der rådyra beita på kveldstid. Geita var såpass vant med folk at ho gjerne beita openlyst midt på dagen.

Dei første par kveldane var eg på plass etter at sola forsvann frå bakkane, noko som gjorde at eg måtte opp i ISO 12800 på det høgaste. Det har eg ikkje gjort før med mitt Olympus-utstyr, men med den nye sensoren i OM-1 var ikkje dette noko problem. Eg brukte 300mm med telekonverter 1,4 og blendar 6,3 på dei fleste bildene. I fullformat utgjer dette 840mm og ga svært god rekkevidde. Sjå elles exif-data under kvart bilde nedanfor.

Den første kvelden dukka det og opp ein sekstagga bukk. Den var tydelegvis i brunst, og jaga etter geita utan hell. Det gjentok seg to gonger seinare. Bukken vart skoten i jakta tre veker seinare. Kanskje rakk den å få nokre fleire etterkommarar etter seg før skotet falt?

Ved å følgje rådyra over fleire kveldar, så var det eit tydeleg mønster for kor geita gjekk. Ho beita sakte over bakkane i retning av utkanten i nord der ho åt dessert av buskane med villbringebær. Ein liten snack på kvelden før ho jumpa vidare mellom trea og ut av synet.

Geita hadde med seg to killingar. Dei viste seg innimellom, og ein kvelden låg den eine uforstyrra ganske nære vegen. Begge to var ute på bakkane ein annan kveld, og la seg etter kvart ned, heilt umogleg å sjå dei att i det høge graset. Graset vart slått nokre dagar seinare. Håper det gjekk bra med dei.

Nedanfor er nokre utvalde foto frå fire fine kveldar med rådyra.

Alle foto Olympus OM-1, m.Zuiko 300mm f/4 Pro + med og utan MC-14 telekonverter.