Nordlys KP8 over Sunnhordland
Det var med stor forventning eg kvelden 10. oktober pakka fotosekken og stativet og gjekk ut for å fotografere eit sjeldandt varsla sterkt nordlys. Det var meldt heile KP8 (skalaen går til 9) allereie kl 20:00. Det stemte svært så godt, og første bilete vart tatt kl 20:17. Denne gongen var eg geografisk plassert på hytta på Utbjoa. Sist eg opplevde eit kraftig og flott nordlys var på Rommetveit på Stord, som du kan sjå i denne bloggen frå mars i fjor.
Nordlysvarsel som gjer at ein kjem seg ut av sofaen!
Det er nokre kamerainnstillingar ein må ha i fingrane før ein går ut og fotograferer nordlys. Denne artikkelen gir god informasjon om utstyr og innstillingar for deg som har eit fotoapparat liggjande. Mobilfoto går stort sett av seg sjølv.
Denne kvelden varierte eg mellom 2,5-5 sekund og ISO 1600-5000, kvitbalanse manuelt innstilt på 3500K. Å stille skarpt på himmelen kan vere ei utfordring. Dette løyser min Olympus OM-1 på ein utmerka måte. Kameraet har ei eiga innstilling for fokusering på stjerner, såkalla “Starry AF”. Den fungerer heilt supert og gir garantert skarp himmel.
Nedanfor er mine utvalde foto, tatt frå to ulike plassar på Utbjoa. Eg starta ut med 17mm f/1.2, men med nordlys på alle kantar skifta eg fort til 8-25mm f/4. Den er mindre lyssterk, men det kan fint kompenserast med lengre lukkertid og/eller ISO.
Ein flott kveld å vere nordlysfotograf på!
Frå Utbjoa i retning nord-vest. Stord og Leirvik kan skimtast nede til høgre.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF
Frå Utbjoa i retning ganske rett aust. Borgundøy til venstre.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF
Frå hyttekaien på Utbjoa. Borgundøy er rett fram, Husøyna til høgre. Folgefonna kan elles sjåast rett over den raude fyrlykta.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF
Variasjonar over Husøyna utafor Utbjoa fergekai, retning aust.
Opptaksinformasjon: Olympus OM-1, m.Zuiko 8-25mm f/4: 10mm, 5s, f/4, ISO 3200, Starry AF
Variasjonar over Husøyna utafor Utbjoa fergekai, retning aust.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF
Variasjonar over Husøyna utafor Utbjoa fergekai, retning aust.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF
Til slutt eit reint himmelbilete. Det gjeld å sjå rett opp og.
Opptaksinformasjon: Olympus OM-1, m.Zuiko 8-25mm f/4: 8mm, 5s, f/4, ISO 3200, Starry AF, utsnitt
Takk for at du leste bloggen. Legg gjerne igjen ein kommentar og velkomen tilbake til neste blogg.