Som antyda i denne bloggen, kunne det liggje an til ein aldri så liten makrosommar i år, bl.a. med testing av ny blits og diffuser. På hytta gjekk eg ut nokre kveldar i sommarvarmen, innafor ein radius på om lag 100 meter. Der dukka det opp litt av kvart, både kjent og ukjent.

Nedanfor kan du lese meir om parasittfloger, årenebbmott, glasvingesikade og til slutt ein ukjent tovingar (min favoritt). Det må understrekast at eg ikkje er fagmann på insekter. Som kunnskapskjelde har eg blant anna spurt Copilot om informasjon. Meir spesifikke kjelder kan visast på førespurnad.

Alle foto er tatt med Olympus OM-1, M.Zuiko 60mm f/2,8 makro, Godox V350o-blits og AK diffuser.

Årenebbmott (chrysoteuchia culmella, sommarfuglar)

Årenebbmott er det norske namnet på Nemophora degeerella, ein art i familien Adelidae, ofte kalla praktmøll eller langhornmøll. Dette er små, men svært karakteristiske sommarfuglar med lange antenner og metallisk glinsande venger.

Kjenneteikn: Hannane har ekstremt lange antenner, ofte fleire gonger lengre enn kroppen. Vengene er gyldne med mørke tverrband og metallisk glans. Kroppen er slank og mørk med ein gyllen glans.

Levestad og utbreiing: Vanleg i lauvskog og skogkantar i store delar av Sør-Noreg. Dei flyr i mai–juli, ofte i solskinn, der dei svermar i små grupper over vegetasjon.

Økologi: Larvene lever i lauvstrø og et visne blad. Dei lagar seg eit lite rørforma hylster av plantedelar som dei bur i.

(Kjelde: Copilot m.fl)

**Årenebbmott.** Olympus OM-1, M.Zuiko 60mm f/2,8 makro, Godox V350o-blits, AK diffuser, 1/100s, f/10, ISO 200

Dexiosoma caninum (parasittfloge, tovingar)

Dette insektet har ikkje eit etablert norsk namn, men er ein art av parasittfloge i familien Tachinidae. Denne familien blir ofte omtalt som tachinidfloger, eller parasittfloger på norsk. Dei fleste artane i denne gruppa legg egg på eller i andre insekt, der larvane utviklar seg som parasittar. Eg tenker det da er greitt å omtale dette insektet som parasittfloge. (Kjelde: Copilot m.fl)

Det var to stykker som heldt til i det same hjørnet av plenen på oppsida av hytta, og som tydelegvis heldt til der over fleire kveldar. Dei er relativt store, fleire gonger større enn ei vanleg floge. Skikkeleg lange bein har dei og.

Olympus OM-1, M.Zuiko 60mm f/2,8 makro, Godox V350o-blits, AK diffuser, 1/100s, f/10, ISO 200

Glasvingesikade (Cixius cunicularius, nebbmunner)

Dette er eit bittelite insekt på fems-seks millimeter som Artsorakelet ikkje klarte å finne ut av. Bjarte Aadland er ein lokal ekspert på insekter på Stord, og har tipsa om namnet på denne. Da reknar eg det som kvalitetssikra godt nok.

Vanleg nebbtege (anthocoris nemorum, nebbmunner)

Eriothrix rufomaculata (parasittfloge, tovingar)

Denne har heller ikkje eit norsk namn, men er ein parasittfloge i familien Tachinidae. Som mange andre artar i denne familien, har den berre eit vitskapleg namn i bruk. (Kjelde: Copilot m.fl)

Ukjent insekt på bringebær

Kanskje du kan namnet på denne lille karen?

Tovingar (diptera)

Artsorakelet finn ikkje anna namn på denne enn tovingar. Dette bildet er eg spesielt fornøgd med. Eg nærma meg den forsiktig, og fekk tatt berre eitt (1) bilde akkurat da den tok sats og flaug vekk. Heldigvis vart den skarp, sett i forhold til lukkertida på 1/100. Dette er det makrobildet eg er mest fornøgd med i så langt.

Takk for at du leste bloggen. Legg gjerne att ein kommentar nedanfor. Velkomen til å lese neste blogg!

Makrosommar